ل سه‌ر راسپاردا سه‌رۆكێ حوكمه‌تێ لژنه‌كا تایبه‌ت بۆ ڤالاكرنا قوتابخانان هاته‌ پێكئینان

09/04/2014

ل سه‌ر راسپاردا نێچیرڤان بارزانى سه‌رۆكێ حوكمه‌تا هه‌رێما كوردستانێ لژنه‌كا تایبه‌ت بۆ ڤالاكرنا قوتابخانان ژ ئاواران هاته‌ پێكئینان، كو 128 هزار و 761 كه‌س د 652 قوتابخانێن دهۆكێ دانه‌. 
لژنا ناڤهاتى كو پێكدهێت ژ " د. عه‌لى سندى وه‌زیرێ پلاندانانێ، ده‌رباز كوسره‌ت ره‌سول وه‌زیرێ ئاڤه‌دانكرنێ، فه‌رهاد ئه‌ترووشى پارێزگه‌رێ دهۆكێ، نێچیرڤان ئه‌حمه‌د رێڤه‌به‌رێ نڤیسینگه‌ها سه‌رۆكێ حوكمه‌تێ و د. نورى ئوسمان نوونه‌رێ تایبه‌تێ سه‌رۆكێ حوكمه‌تێ بۆ ده‌ڤه‌را شنگال" دوهى كۆمبوونا خوه‌ یا ئێكێ ل گه‌ل هه‌موو قایمقامێن قه‌زایێن پارێزگه‌هێ و رێڤه‌به‌رێن گشتى یێن په‌یوه‌ندیدار ئه‌نجامدا، لژنێ داخوازا ئامارێن دروست یێن ئاواران كر و بۆچوونێن به‌رهه‌ڤبوویان ل دۆر دیتنا چاره‌كا گونجاى ژ بلى كه‌مپان بۆ ڤالاكرنا قوتابخانان ژ ئاواران كر.
كۆمبوونێن لژنێ بۆ ڤالاكرنا قوتابخانان دێ د به‌ره‌دوامبن و دوپاتیێ ل وێ چه‌ندێ دكه‌ن كو هه‌تا 1/10 بهێنه‌ ڤالاكرن.

ئەم پەیجە 310 جار بینراوە



Copyright © Ministry Of Education. All Rights Reserved. بۆ سەرەوە