قوتابی ئیمان مه‌هدی بوو سه‌ركه‌فتیا ئێكێ‌ ل سه‌ر ئاستێ‌ هه‌رێمێ‌

07/08/2014

قوتابی (ئیمان مه‌هدی مسته‌فا) ل پۆلا نه‌هێ‌ بنه‌ره‌تی قوتابخانا پێل یا كچان ل په‌روه‌ردا دهۆك رۆژئاڤا ، شیا ل سه‌ر ئاستێ‌ هه‌رێما كوردستانێ‌ پلا ئێكێ‌ ب ده‌ست خوه‌ڤه‌ بینیت پشتی شیای تێكرایێ‌ نمرێن خوه‌ بگه‌هینیته‌ 99.78 ژ سه‌دێ‌ .
ئیمان مه‌هدی ل دۆر ڤی ئه‌نجامی بۆ ئه‌ڤرۆ گۆت: ل ده‌ستپێكا من بۆ قوتابخانێ‌ هه‌ر سال ده‌رچویا ئێكێ‌ مه‌ مالا من گه‌له‌ك پشته‌ڤانیا من دكر كو بخوینم، هه‌روه‌سا رێڤه‌به‌رو مامۆستایێن من دگه‌ل من دهاریكاربوون، به‌لێ‌ روژانه‌ پتر ژ پازده‌ ده‌مژمێران من دخواند، من گه‌له‌ك حه‌ز ژ وانا بیركاری دكر.
سه‌ركه‌فتیا ئێكێ‌ ل سه‌ر هه‌رێما كوردستانێ‌، ئیمانێ‌ گۆت ژی: من چ جاران باوه‌رنه‌دكر كو دێ‌ سه‌رسه‌ركه‌فتیا ئێكی بم ل سه‌رهه‌رێمێ‌، بهیڤی مه‌ د داهاتی دا بچمه‌ قوناغا ئاماده‌یی و ئاره‌زو یا من ئه‌وه‌ ببمه‌ نوژدار.
دایكا ئیمانێ‌ زه‌ینه‌ب تاهر، هه‌مبه‌ر سه‌ركه‌فتنا ئیمانێ‌ لسه‌ر هه‌رێما كوردستانێ‌ قوناغا نشتیمانی گۆت: گه‌له‌ك د هاریكاربووین دگه‌ل ئیمانی كو خواندنا خوه‌ ته‌مام بكه‌ت و بخوینت، سالێ‌ جاره‌كێ‌ من سه‌ره‌دانا قوتابخانا ئیمانێ‌ دكر به‌لێ‌ ریڤه‌به‌ر و مامۆستایێن وێ‌ دگوته‌ من ئه‌م گه‌له‌ك سوپاسیا ته‌ دكه‌ین دایكا ئیمانێ‌ چو جاران ڤێ‌ زه‌حمه‌تی نه‌به‌، دایكا ئیمانێ‌ دیاركر ژی كو پێنچ كچێن وێ‌ ل ڤێ‌ قوتابخانێ‌ ده‌رچووینه‌ هه‌موویان رێژا ئێكێ‌ ب ده‌ست خوه‌ ڤه‌ ئینایه‌ و گۆت: ئیمان چ جاران ناده‌ركه‌ڤیته‌ ژ ده‌رڤه‌ ب تنێ‌ جه‌ژنا نه‌وروزی دگه‌ل مال ده‌ردكه‌ڤیت، هندی خواندن و نڤیسین هه‌بیت ناده‌ركه‌ڤیت.
په‌خشان ئه‌حمه‌د نه‌عمان، ریڤه‌به‌را قوتابخانا پێل یا كچان، ئه‌و قوتابخانا ئیمان تێدا هاتیه‌ په‌روه‌رده‌كرن و فێركرن، ل دۆر بابه‌تی گۆت: ئیمانێ‌ سوز دا بوومه‌ كو ده‌رچوویا ئێكێ‌ ب ده‌ركه‌ڤیت و مامۆستایان ب گشتی گه‌له‌ك پشته‌ڤانی لێ‌ دكر چاڤێ‌ خوه‌ دایی و ل دووماهیێ‌ ئیمانێ‌ سوزا خوه‌ دگه‌ل مه‌ ب جه ئینا، په‌خشتانێ‌ گۆت ژی: ل ده‌سپێكی ئیمان ب خوه‌ هاریكاریا خوه‌ بۆ و ماموستایێن وێ‌ ژی گه‌له‌ك دگه‌ل وێ‌ د هاریكاربۆون و ماموستاێن ئیمانێ‌ گه‌له‌ك پشته‌ڤانیا وێ‌ دكر، گه‌له‌ك جاران ناڤێ‌ وێ‌ ل پۆلا دگیراند یان ژی دیار دكر ل نیڤا گوره‌پانێ‌ پشته‌ڤانیا مه‌ ب تشتێن ساناهی بۆ ژبه‌ر دا قوتابێن دی هه‌ست ب كێماسیێ‌ نه‌كه‌ن، په‌خشان ئه‌حمه‌د هێشتا ژی گۆت : دایكا ئیمانێ‌ گه‌له‌ك سه‌ره‌دانا قوتابخانێ‌ دكر وچار خویشكێن ئیمانێ‌ ل قوتابخا مه‌ ده‌رچووینه‌ ب نمرێن باش سه‌ركه‌فتی نه‌.
رێڤه‌به‌را قوتابخانا پێل یا كچان دیاركر جهێ‌ دونیایی هه‌موو تیرا مه‌ ناكه‌ت ژ كه‌یفادا كو قوتابیه‌ كا وه‌سا ل قوتابخانامه‌ ب سه‌ركه‌ڤیت.

 

لە ماڵپەری پەرورەردەی دهۆکەوە وەرگیراوە.

ئەم پەیجە 1143 جار بینراوە



Copyright © Ministry Of Education. All Rights Reserved. بۆ سەرەوە