وتـارێ بـه‌رێز وه‌زیـرێ پـه‌روه‌ردێ ل بیره‌وه‌ریا 25 سالا جینو سایدو ئه‌نفال و كیمیابارانێ

25/03/2013

 ئه‌ڤ بیره‌وه‌ریه‌ ل ناڤ كۆمه‌لگه‌هێ كوردستانێ دا مانایێ هه‌می نه‌ساخیه‌كێ دگه‌هینت ،مانایێ رووخانا لووتكه‌یێ مرۆڤایه‌تیێ،له‌هیانا روندكان هه‌می سالان كوبیره‌وه‌ریا ئه‌ڤ رۆژێن نه‌خۆش دێ كه‌ینه‌ڤه‌ لسه‌ر مه‌یه‌ كو ئه‌م ده‌رس ژێ وه‌ربگرین و چاڤه‌ك ب خۆه‌ بخشینینه‌ڤه‌.

 

پرۆسا ئه‌نفال و كیمیاباران مه‌زنترین تاوان بوو ژ تاوانێن رژێمێ به‌عسێ رووخای .

 

ئه‌ڤ كاره‌ساته‌ ژبیر نه‌هاتیه‌كرن،خه‌ون و ئاواتا (182)هزار لاوێت ئه‌ڤ كۆمه‌لگه‌هه ‌كرنه‌ بن بیابانێت عه‌رعه‌ر ونوگره‌ سه‌لمان.

 

بلا ل بیره‌وه‌ریا 25 سالا ئه‌ڤ كاره‌ساته‌ برایینی و ئاشتی ناڤبه‌را مه‌دا بهێته‌ پاراستن وحه‌ژئێك دووبكه‌ین و حه‌ژ كوردستانێ بكه‌ین و هه‌وڵا ئاڤه‌دانكرناوێ بكه‌ین.

 

هه‌كه‌ ئه‌م به‌رێ خۆبده‌ینه‌ وێنێت ئه‌لبومێ جه‌رگ بڕای ولاتێ خۆ دێ بینین هه‌ر وێنه‌كێ فه‌رهه‌نگه‌كا سه‌ربه‌خۆیه‌ و رۆمانه‌كا تژی یه‌ ژ ئازار وروندك.

 

ژبه‌رهندێ ل ڤی بیره‌وه‌ریێ دبێژین "ئه‌ركێ مه هه‌میانه‌ كو خزمه‌تا كه‌س و كار و نه‌ڤیێت شه‌هید و ئه‌نفالكری بكه‌ین" .

 

ئه‌م ژی وه‌ك وه‌زاره‌تا په‌روه‌ردێ هه‌رێما كوردستانێ هه‌می گاڤا به‌رهه‌ڤین ب هه‌می شیانێت خۆ بۆ خزمه‌تكرنا لاوێت وان و ده‌ستێ هاڤكاریێ بۆ وان درێژ بكه‌ین بۆ فێربوونێ و په‌روه‌ردێ و ره‌وشه‌بنیریێ وه‌ك ب زیندوو هێلان ومه‌زن ڕاگرتنا ئه‌ڤ بیره‌وه‌ریا وه‌ك بابه‌ته‌كا نه‌ته‌ویی "ئه‌نفال" مه‌كریه‌ ناڤ پڕۆگرامێت خاندنێ كوببیته‌ جه‌ره‌سه‌ك و هه‌می گاڤا هزرا لاوێن مه‌ بلڤلڤینیت.

 

هزاران سلاڤ لسه‌ر گیانا پاڤژێ (182) هزار مرۆڤێت بێ تاوان ل سه‌رجه‌م شه‌هیدێت رێكا رزگاركرنا كورد و كوردستان.

 

به‌ره‌ڤ ئاڤه‌دانكرنا كوردستانێ.

ئەم پەیجە 484 جار بینراوە



Copyright © Ministry Of Education. All Rights Reserved. بۆ سەرەوە