وه‌زيرى په‌روه‌رده‌ له‌گه‌ڵ به‌رێوه‌به‌رى قوتابخانه‌كانى خوێندنى ئێوارانى په‌روه‌رده‌ى هه‌ولێر كۆ بووه‌وه‌

30/01/2018

ئه‌مڕۆ يه‌كشه‌ممه‌ ڕێكه‌وتى (28/1/2018)ى زايينى (د.پشتيوان سادق) وه‌زيرى په‌روه‌رده‌ى حكومه‌تى هه‌رێمى کوردستان، به ‌ياوه‌رى به‌رێوه‌به‌رى گشتى په‌روه‌رده‌يى هه‌ولێر له‌گه‌ڵ به‌رێوه‌به‌رى قوتابخانه‌كانى خوێندنى ئێوارانى سنوورى په‌روه‌رده‌ى گشتى له‌ هه‌ولێر کۆ بووەوە. وەزیرى پەروەردە قسەی لەسەر دۆخى پەروەردە و ڕێكخستنى ميلاكات و دانانى ميكانيزمێك سه‌باره‌ت بە دابەشکردنی مامۆستایان و هه‌ڵمه‌تى پاكوخاوێنى هه‌فتانە له‌ قوتابخانه‌كان و‌ نۆژه‌نكردنه‌وه‌یان کرد و باسى لە چۆنیەتى کارکردنى مامۆستایان لە بەردەوامیەتى خوێندن و دانانى میکانیزمێکى دادپەروەرانە لە دابەشکردنى مامۆستاکانى ئێواران کرد و هیواى خواست کە هەر کەسێک لە شوێنى خۆى ئەرکى وەک کەسێکى خەمخۆر جێبەجێ بکات. 

وەزیرى پەروەردە سەبارەت بە نۆژەنکردنەوە و پاکوخاوێنى ژینگەى قوتابخانە گوتى: "وەک ئه‌ركێك داواى له‌ به‌رێوه‌به‌رى قوتابخانه‌كان دەکەم پاوكوخاوێنى قوتابخانه‌كان کە لە‌ ئه‌ستۆى ئەواندایە بە جۆرێک حەفتانە و یا ڕۆژانە ڕێکى بخەن کە نەبێتە ئەرکێکى گەورە کە دواتر جێبەجێ نەکرێت، دروستکردنى ژینگەى قوتابخانە وەک ژینگەى ماڵ و بەهاپێدان پێى نیشان دەدات کە ئێمە چەندە قوتابییەکانمان خۆش دەوێت و لە بیرى سەردەمیانە پەروەردەکردنیانین"

ئەم پەیجە 84 جار بینراوە



Copyright © Ministry Of Education. All Rights Reserved. بۆ سەرەوە