فیستەڤالا ھونەری یا حەفتێ دەست ب کارێن خوە کر

04/07/2013 03:02:00 م

[widgetkit id=18]

 


ل ژێر چاڤدێریا تەمەر رەمەزان پارێزگەرێ دھۆکێ و ب بەرھەڤبوونا د. عسمەت محەمەد خالد وەزیرێ پەروەردا حکوومەتا ھەرێما کوردستانێ، دوهی ٦/٤/٢٠١٣ دەست ب گێڕانا فیستەڤالا ھونەری یا حەفتێ یا پەروەردێن پارێزگەھا دھۆکێ ھاتە کرن و سێ رۆژان دێ یا بەردەوام بیت.

ل دەستپێکێ عەبد یوسف رێڤەبەرێ گشتیێ پەروەردا پارێزگەھا دھۆکێ پەیڤەک پێشکێشکر و ل دووڤ دا زیاد عابد رێڤەبەرێ چالاکیێن قوتابخانان پەیڤەک پێشکێشکر و پاشی وەزیرێ پەروەردێ پەیڤەک پێشکێشکر و تێدا بەحسێ گرنگیا ڤان رەنگە فیستەڤالان کر، پاشی د. فازل عومەر نوونەرێ پارێزگەرێ دھۆکێ و سەرۆکێ جڤاتا پارێزگەھێ د پەیڤەکێ دا ب ناڤێ پارێزگەرێ دھۆکێ دیار کر کو پێدڤیە وەکو بابەتێن کیمیا و فیزیا و بیرکاریێ گرنگی ب ھەردو بابەتێن ھونەر و وەرزشێ ژی بھێتە دان، ژ بەر کو بەری نھا وەکو پێدڤی گرنگی ب ڤان ھەردو بابەتان نەدھاتە دان.

ل دووڤ دا شانوگەریا پەروەردا شێخان ھاتە نیشادان و پاشی پێشانگەھەکا شێوەکاری یا بژارە یا پەروەردێن پارێزگەھا دھۆکێ ھاتە ڤەکرن و پشتی بەرھەڤبوویان گەریانەک د ناڤ پێشانگەھێ دا کری، بوونە بینەرێن شانوگەریا پەروەردا دھۆک رۆژئاڤا کو ل ھۆلا پشکا چالاکیێن قوتابخانان یا پەروەردا ناڤھاتی ھاتە نیشادان و بڤێ چەندێ بەرنامێ رۆژا ئێکێ یێ سپێدێ یێ فیستەڤالێ ب دووماھی ھات.

عومەر ئەحمەد قاسم رێڤەبەرێ پەروەردا قەزا دھۆک رۆژئاڤا دەستخۆشی ل ئاراز ئونیک بەرپرسێ پشکا چالاکیێن قوتابخانان یا پەروەردا رۆژئاڤا و ھەڤکارێن وی کر بۆ پشکداریا وان د فیستەڤالا ھونەری یا حەفتێ یا پەروەردێن پارێزگەھا دھۆکێ دا.

 

ئەم پەیجە 232 جار بینراوە
Copyright © Ministry Of Education. All Rights Reserved. بۆ سەرەوە