سه‌ردانی وه‌زیری په‌روه‌رده‌ بۆ دەڤەری ئامێدی

14/02/2013 01:59:00 م

[widgetkit id=11]

 


به‌ مه‌به‌ستی ئاشنابوون و له‌نزیكه‌وه‌ ئاگاداربوون له‌ سه‌ر ڕه‌وشی په‌روه‌رده‌ له‌ ده‌ڤه‌ری ئامێدی، رێكه‌وتی 14/2/2013 وه‌زیری په‌روه‌رده‌ د. عصمت محمد خالد به‌ یاوه‌ری به‌رێوه‌به‌ری گشتی په‌روه‌رده‌ی دهوك، سه‌ردانی قه‌زاكه‌ی كرد.

له‌ ده‌ستپێكی سه‌ردانه‌كه‌یدا، چه‌ند قوتابخانه‌یه‌كی ئامێدی و ده‌وروبه‌ری به‌سه‌ركرده‌وه‌ و له‌نزیكه‌وه‌ گوێ له‌ ڕا و پێشنیازه‌كانیان گرت و كێشه‌ و كه‌موكوڕییه‌كانی كۆڵییه‌وه‌.

دواتر له‌ لایه‌ن قائیمه‌قامی قه‌زاكه‌وه‌ پێشوازی لێكراو له‌دانیشتنێكدا گوێ بیستی پێشنیار و ڕونكردنه‌وه‌كانیان بوو له‌باره‌ی ڕه‌وشی په‌روه‌رده‌ و پێداویستیه‌كانی ده‌ڤه‌ره‌كه‌وه‌ به‌ تایبه‌ت كردنه‌وه‌ی كومه‌ڵگای په‌روه‌رده‌یی.

له‌ به‌شێكی دیكه‌ی سه‌ردانه‌كه‌یدا و له‌ كۆشكی په‌روه‌رده‌ی ئامێدی، له‌ گه‌ڵ سه‌رپه‌رشتیارانی پسپۆڕی و په‌روه‌رده‌یی كۆبووه‌و له‌ ووته‌یه‌كدا وه‌زیری په‌روه‌رده‌ جه‌ختی له‌ سه‌ر پێویستی گۆڕانكاری په‌روه‌رده‌یی كرده‌وه‌ و تیشكی خسته‌ سه‌ر ڕۆڵی گرنگی مامۆستا له‌ پرۆسه‌ی په‌روه‌رده‌ییدا، هه‌روه‌ك ئاماژه‌ی به‌وه‌ش كرد كه‌ پێویسته‌ مامۆستایان زیاتر ڕابهێنرێن بۆ ئه‌و گۆڕانكارییه‌كانه‌ی كه‌له‌پرۆگرامه‌كاندا ئه‌نجام دراون و ئاستی زانستییان به‌رزتر بكرێته‌وه‌.‌

 

ئەم پەیجە 194 جار بینراوە
Copyright © Ministry Of Education. All Rights Reserved. بۆ سەرەوە